A far far away blog

Archive for the ‘ՏՏ, վեբ, ինտերնետ’ Category

Էնպես չի, որ եսիմինչ ֆուտբոլասեր եմ կամ ֆուտբոլից շատ եմ գլուխ հանում, բայց էս 2 օրը կպած հետևում եմ տարբեր ֆորումներում, թվիթերում ու սպորտային կայքերում, թե ինչ են գրում Հենրիխ Մխիթարյանի ու Լիվերպուլ նրա հնարավոր տրանսֆերի մասին:

Էնքան լավ բաներ կարդացի էս ընթացքում, էնքան գովասանք ու Լիվերպուլի երկրպագուների կողմից հրճվանք, որ ես Հենոյի տեղը լինեի, որդեն 7-րդ երկնքում կլինեի: Էդքան պոզիտիվի մեջ հազիվ մի քանի հոռետեսական կարծիք տեսա, օրինակ, այ էս ներքևինը թվիթերից, բայց դե գրողին շատ արագ ցուց են տվել` ով ով ա :D

Henrikh Mkhitaryan

Ու լավն էն ա, որ սովորաբար էսքան լավ բան որ կարդում ես որևէ հայի մասին, ոնց նայում ես, գրողների 90%-ի կամ անունը, կամ մականունը, մի բանը անպայման մատնում ա, որ հայ են, բայց էս դեպքում չէ, էլի, գրում են բոլորը աշխարհի տարբեր կետերից ու նույն ոգևորությամբ :)

Ամենահետաքրքիրն ինձ համար մի հոդված էր, որ գրվել էր դեռ 3 տարի առաջ ու ահագին լավ կանխագուշակում էր էն, ինչ կատարվում ա էսօր :)

Իսկ տրանսֆերի պատմությունից առայժմ բան չհասկացանք, ամեն րոպե նոր տեղեկություն էր հայտնվում, թե Մխիթարյանն արդեն Լիվերպուլում բժշկական հետազոտություն ա անցնում, հետո դեռ Հայաստանում ա, օդանավակայանում Լիվերպուլի մարզաշապիկներ ա ստորագրում արդեն, հետո էլ թե գնացել ա Ուկրաինա ու էդպես շարունակ: Իսկը էս թվիթի պես`

Conor Higgs@CHiggs_LFC

According to twitter, Henrikh Mkhitaryan has done what scientists have failed at for years and been in 7 different countries at once. #LFC

Բայց էս ամբողջ ակտիվության, բոլոր գրառումաթվիթերի երևի առնվազն 30%-ը կապված են մեր համար շատ սովորական, բայց արտասահմանցիների աչքերն ու լեզուն ցավեցնող Մխիթարյան ազգանվան հետ:

Էնքան բոլորը բողոքեցին դրա բարդությունից, որ արդեն կան արտասանության մասին վիդեո`

ու նաև մի այս սենց ոչ շատ ճշգրիտ, բայց հեշտ հիշվող ու ուրախ տարբերակ :Ճ

heno2

Mkhitaryan pronunciation hint

կամ ֆրանսիացիների առաջարկած “Aime qui t’as riant”

Մի քանի լավ թվիթ ու մեկնաբանություն էս թեմայով, ինձ ամենաշատ դուր եկածներից.

Joey Lewis@JoeeyLewis I hope Henrikh Mkhitaryan does go to liverpool so everytime the commentator says his name I can hit a ryan @Ryan_Lorimer #HenrikhMkHitARyan

oh you beauty@natefc

Henrikh of House Mkhitaryan, the first of his name, King of the Andals and the Rhoynar and the First Men #fireandblood

Steve Harrison@AintreeIron

If Papadopoulos, Mkhitaryan & Dzsudzsak all sign for LFC, I’m giving up my part time job making name templates for the back of the shirts!

Մի քանի հատ էլ էս ֆրանսիական ֆորումից ու վերջ`

“Si tu le cales bien, tu fais 548 au Scrabble avec un blaze pareil.”

“Liverpool veut Mkhitaryan, et Mkhitaryan veut un nom de famille.”

“Mieux que Jakub BLaszczykowski?”

“un lien de parenté avec Daenerys Targaryen?”

Փաստորեն yan-ը հիմա լիքը ասոցիացիաներ ա առաջացնում Game of Thrones-ի հետ, դա էլ վատ չի :)

Հենոոո, առա՜աաջ:

Մի քանի ամիս առաջ պարբերաբար էլեկտրոնային նամակներ էի ստանում  հայկական մի տուրիստական գործակալությունից` հանգիստ Մալդիվներում մատչելի գներով ու նման մոտիվներով, ընդ որում` Երևանից մեկնողների համար էր նախատեսված, բայց ամեն ինչ ռուսերենով կամ ռուսերենաանգլերենախառը: Ուղարկվում էր տնօրենի անձնական gmail հասցեից, պարունակում էր նրա բոլոր կոնտակտային տվյալները, հղում գործակալության պաշտոանական ֆեյսբուքյան էջին, բարեբախտաբար հասցեատերերի հասցեները բաց չէին, այլ BCC-ում,  մենակ մի շատ կարևոր բան էր պակասում` բաժանորդագրությունից դուրս գալու հնարավորություն:

Մտածում եմ` լավ, ոչ ծանոթ ենք, ոչ ՖԲ-ի ընկերներիցս ա, ոչ երբևե իրենց ծառայություններից օգտվել եմ, ոչ իրենց էջը հավանել, ոչ էլ սկի Հայաստանում եմ, որ գոնե հետաքրքրված լինեի, բա լավ, որտեղի՞ց իրենց իմ հասցեն: Երբ մի քանի անգամ կրկնվեց, չդիմացա, կիսաջղային նամակ գրեցի ու էլի լավ էր, գոնե գրագետ պատասխան ստացա, ներողություն խնդրեցին ու հանեցին ցուցակից: Երեկ պատահաբար հայտնաբերեցի, որ էդ աղջիկն իմ Linkedin-ի connection-ներից էր, ու լայն ժպիտով հեռացրեցի:

Այսօր եղավ սրա ավելի զվարճալի տարբերակը: Մի ուրիշ գործկալություն էս անգամ yandex հասցեից (էն դեպքում, երբ ունեն գրանցված դոմեյն, կայք ու հավանաբար նաև էլ. հասցե) նամակ ա գրել` բոլոր մարդկանց հասցեները բաց արար աշխարհի համար: Առաջարկում են դեպի Հայաստան, Արցախ ու Արևմտյան Հայաստան շրջագայություններ մեր սփյուռքահայ բարեկամների համար: Ամբողջ նամակն ու կցված մանրամասն ֆայլերը շարադրված են ֆրանսերենով, ընդ որում արդարության համար ասեմ` բավական գրագետ ֆրանսերենով: Բայց… էլի նույն հարցը, որտեղի՞ց ձեզ իմ հասցեն ու որտեղի՞ց ընդհանրապես գիտեք, որ Ֆրանսիայում եմ: Ու որ հիմա էս բոլոր հասցեատերերին մի երրորդ անձ սկսի սփամ անել, դուք պատասխան տալու ե՞ք:

Բայց էս էլ դեռ մի կողմ, հիմա ամենազվարճալի պահը: Կցված ֆայլերը բացեցի, իրենց շրջագայության նկարագրությունն եմ արագ նայում տեսարժան վայրերի նկարներով-բան, մեկ էլ տեսնեմ մի նկար ահավոր ծանոթ ա: Դե լավ, Շաքիի ջրվեժն ա, էլի, էնքան լուսանկարներ կան նույն դիրքից, իրարից տարբերել համարյա չի լինում: Մի քանի վայրկյան էլ եմ նայում, բայց չէ, ախր նույն գույներն են, նույն թեեեեթև ծիածանն ա, սպասի ստուգեմ մի հատ: Ու բացեցի 2005-ին ճ դասի հին, անկապ Canon-ով արած այ էս ֆոտոն, տեսնեմ` ինքն ա, որ կա, որտեղից էլ պեղել են տնաշենները :) Ժպիիիիիիիտ :)

Շաքի

Դե իմ ֆոտոն դեռ հեչ, մի եսիմինչ ֆոտո չի, ես դրանից նույնիսկ լավ զգացի, լուսանկարիչ չեմ, մի կերպ կդիմանամ, բայց էնտեղ լիքը էստեղ-էնտեղից ցրած շատ ավելի լավ նկարներ կային ու ոչ մի հղում, ոչ մի բան:

Ե՞րբ են հասկանալու, որ սփամ ընդհանրապես պետք չի անել, իսկ անելու դեպքում կարելի ա անել գրագետ:

Հիմա մտածում եմ` պատասխանե՞մ : )))

rssiconՇատ անգամ եմ ընկերներիս հետ խոսելիս հայտնաբերել, որ քչերն են տեղյակ, թե ինչ է RSS-ը ու թե ինչով այն կարող է օգտակար լինել հենց իրենց համար: Ընդ որում, նրանց մեջ կան մարդիկ, ովքեր կա՛մ աշխատում են ՏՏ (IT) ոլորտում, կա՛մ պարզապես ամեն օր ինտենսիվ օգտվում են ինտերնետից, այսինքն` ոչ թե սահմանափակվում են одноклассники-ատիպ սոց. ցանցերով ու էլ. փոտ ստուգելով, այլ կարդում են նորություններ, տարբեր տեսակի բլոգներ կամ հենց իրենք են բլոգի հեղինակ: Շատ եմ լսում «Ո՞նց էր բլոգիդ հասցեն» ու «Վաաա՜յ, հա մոռանում եմ մտնեմ, կարդամ» տիպի արտահայտություններ: Նման պարագայում RSS-ը կարող է դառնալ ամենալավ օգնականը, ամեն ինչ ձեր փոխարեն հիշողն ու ժամանակը խնայողը: Եթե դու արդեն օգտվում ես էդ հրաշքից, էս գրառումը քո համար չէ: :)

Նախ, ի՞նչ է նշանակում հենց հապավումը` RSS — Really Simple Syndication: Սահմանումն ըստ wikipedia-ի.

RSS նշանակում է XML ֆորմատի ընտանիք, որն օգտագործվում է վեբի բովանդակության հավաքագրման նպատակով : Ամենատարածված օգտագործման եղանակն է ստանալ բլոգում կամ տեղեկատվական կայքում հրատարակված վերջին հոդվածների կարճ բովանդակությամբ ցուցակը : Դրանք ստանալու համար օգտագործողը պետք է գրանցվի ագրեգատորի միջոցով, ինչը հնարավորություն կտա տեսնել վերջին թարմացումները առանց կայք մտնելու :

Անգլերեն քիչ թե շատ իմացողներին առաջարկում եմ նայել էս տեսանյութը, որտեղ ամեն ինչ շաաատ մատչելի ձևով բացատրվում է:

Եթե դեռ պարզ չէ, թե ով ում բարեկամն է, ստիպված ես կարդալ մինչև վերջ: :)

Սկսենք սզբից: Ենթադրենք` դու ինչ-որ հաճախականությամբ հետևում ես 10 բլոգի, 5 նորությունների կայքի: Ամեն օր կամ 2 օրը մեկ կամ էլ երբ կհիշես մտնում ես էս բոլոր կայքերը ու նայում` քեզ համար նորություն կա՞, թե՞ չէ: Եթե նորություն լինում է, հրաշալի է, բայց ավելի հաճախ ստացվում է, որ մտնում ես հենց այնպես, որովհետև ոչ մի հետաքրքիր բան էլ չի լինում: Ու ստիպված մտնում ես 1 ժամից, 2 ժամից, ավելի ուշ… Իսկ հիմա պատկերացրու, որ ոչ թե դու ես ընկնում կայքի նորությունների հետևից, այլ ինքն է քեզ տեղյակ պահում ամեն անգամ, երբ նոր բան է հայտվում իր էջերում: Հենց դա է RSS-ի նպատակը: Հաստատ տարբեր կայքերում հանդիպել ես RSS-ի լոգոյին, նույնիսկ եթե չես իմացել, թե դա ինչ է: Օրինակ, իմ բլոգի վերին աջ մասում կա էսպիսի մաս:

rss

Օրինակ, առաջինի վրա սեղմելիս հայտնվում է ամբողջ բլոգի բովանդակության թեթևացրած, լրահոսի տեսք ստացած տարբերակը (RSS feed) ու դրան բաժանորդագրվելու հնարավորութուն: Եթե արդեն ունես Google account, այսինքն` օրինակ, Gmail հասցե, առաջարկվող տարբերակներից խորհուրդ եմ տալիս ընտրել Google Reader-ը ու տեսնել, թե ինչ է կատարվում: Եթե ամեն ինչ բարեհաջող է, լրահոսը պետք է արտապատկերվի Google Reader-ի պատուհանում:  Նշանակում է` բաժանորդագրումը կատարված է: Հիմա նույն բանը կրկնում ես այն բոլոր բլոգների ու կայքերի համար, որոնց հետևում ես ու այսուհետ բավական է միայն բացել Google Reader-ը` տեսնելու համար, թե որտեղ ինչ նորություն է հայտվել: Բաժանորդագրումը կարելի է կատարել նաև 2-րդ տարբերակով: Google Reader-ի էջում սեղմել “Add a Subscription” կոճակը և ներմուծել RSS հոսքի հասցեն: Reader-ները այդ լրահոսները կարդալու ծրագրեր են, շատ տարբերակներ կան, բայց Google-ինն ամենատարածվածն է: RSS Reader-ները հնարավորություն են տալիս միայն նյութերին ծանոթանալու: Կախված կոնկրետ բաժանորդագրված հոսքից` երբեմն չեն երևում նկարները կամ տեսանյութերը, դրանք ամբողջությամբ տեսնելու, ինչպես նաև մեկաբանությունները կարդալու կամ նորը ավելացնելու համար արդեն պետք է այցելել բուն կայքերը:

Այսպիսով, RSS-ը ինֆորմացիայի ստացումը դարձնում է ավելի մատչելի, արագ ու արդյունավետ:  Բայց այն կարող է օգնել ոչ միայն տեղեկություն ստանալ, այլ նաև ցուցադրել, կիսել մյուսների հետ: Օրինակ, այս բլոգի աջ մասում երևում են իմ լսած վերջին երգերը, վերջին նկարներս ու եղանակի տեսություն, ու էդ բոլորի կողքին նորից կա RSS-ի լոգոն: Այդ ամենն արվում է շատ հեշտ: WordPress-ում կա RSS widget, որը կարող ես ավելացնել բլոգիդ ու այնտեղ արտապատկերել ցանկացած RSS հոսք: Եթե ես ուզում եմ, որ իմ բլոգի այցելուները տեսնեն, թե ինչ երգեր եմ լսում հենց այս պահին, գնում եմ իմ Last.fm-ի էջ, գտնում RSS-ի նարնջագույն լոգոն,

Last.fm RSS

պատճենում հոսքի հասցեն ու այն ավելացնում wordpress-ում: Վերջ :)

Այսօր RSS տրամադրում են գրեթե բոլոր կայքերը, այնպես որ նույնը կարելի է անել picasaweb-ի, flickr-ի ու շաաատ ուրիշների համար: Ուրախալի է, որ այն տարածում է գտնում նաև հայկական կայքերում` հատկապես լրատվական:

Հույս ունեմ` գրառումս օգտակար կլինի շատերի համար: Եթե հարցեր ունենաք, գրեք: :)

Պիտակներ՝ ,

enipra

-Իսկ դու ո՞վ ես:
-Ե՞ս… աղջիկ:

=)

Մուտքագրիր քո էլ. փոստի հասցեն` այս բլոգին բաժանորդագրվելու և նոր գրառումների մասին էլ. փոստով տեղեկացվելու համար:

Join 15 other followers

RSS Last.FM վերջին երգեր

  • An error has occurred; the feed is probably down. Try again later.
%d bloggers like this: